الاجواء الانتخابيه

ما كان ودي اكتب عن الانتخابات والاجواء المرافقه له لكن شفت الوضع يستاهل التعليق عليه

الاعلانات الانتخابيه

عاد الاعلانات حدّث ولا حرج صحيح ان وجود الاعلانات النظاميه قليل جداً ومايتعدى الـ25 %اعلان نظامي في المحافظه كلها واماكنها محدوده لكن عاد مو بالطريقه هذي في كل مكان 20 لوحه حتى اللفه فوق تحت عندها اعلانات ما ادري هي لفه والا استراحه

واحد كاتب ((إن خير من استأجرت القوي الامين))ـ ..............شدعوه علينا هالكلام

؟؟

المرشحات

اما المرشحات لاشي جديد متوقع كل الاساليب المستخدمه في الاعلانات اساليب قديمه

يعني وحده مصوره نفسها من فوق عشان تبيّن فتحت الصدر ..........موعيب

مرشحة ضمن برنامجها الانتخابي المطالبه بتحسين الديكور لبيت العمر..........فعلاً نقطة هامه تستحق النقاش

بعد ان اقر بدخولهن المجلس يطالبن الان بوضع نظام الكوتا ........ما اعتقد ان نسبتة 10% ترضيهن يمكن تأنيث المجلس بالكامل يالله يسد حلوقهن

على العموم المرشحات لم يأتن لخدمة البلد انما اتن للأنتقام من الرجال او كما يقال المجتمع الذكوري........فيكن الخير والله

الناخبات

قالوا انها سوف تقضي على شراء الاصوات اشوف اكثر اللي يبيعون اصواتهم هن الناخبات

المرشحين

ابو وجهين يروح عند المقر النسائي ويقول المرأه نصف المجتمع والمرأه مظلومه والمرأه مسلوبه والمرأه مهانه واذا راح عند الرجاجيل قال عكس هالكلام

نبيها خمس

عاد هذولا اللي حاس انهم داخلين غلط بالسالفه معطين الموضوع اكبر من حقه واغلبهم مراهقين والا اطفال المهم انهم يبونها خمس والسلام

جميل هو التفاعل مع قضايا الوطن لكن بأسلوب راقي لا بالتجمهر والسب والرقص والهجوم على مقار بعض المرشحين

ادري ان فيه الكثير والكثير لكن انا مالي خلق عليهم سوالفهم لا تعد ولاتحصى

امنيّه

اتمنى ان تنتهي الانتخابات على خير وكل واحد يروح لبيتهم