إصرار على الخطأ
كنت في الصاله متمدد ومالي خلق على شي من بعد احداث لبنان والحوادث المروريه اللي صارت ومن بعد زيارة المستشفيات وكثرة الشغل والتفكير وقلة النوم والراحه وهم بعد الخدامه سافرتكانت الوالده قاعده عندي وتقولي انها بتعطي الثلاجه البيضا للسايق وتفتك منّه
عندنا ثلاث ثلاجات بالمطبخ وانا عرفت الثلاجه اللي تقصدها امي
قلت:يمه لون الثلاجه أخضر مو ابيض
الوالده:لا لونها ابيض
انا:بكل ثقه وإصرار ....لونها اخضر
الوالده:وعلى وجهها علامات التعجب والاستفهام......مادري بس انا اشوف لونها أبيض
انا:ايه كله مدوخيني اغلب كلامك ووصفكم يطلع غلط
اشتغلت على الوالده من هالكلام والوالده ساكته وبعدها قامت وراحت للمطبخ تشوف الغدا وانا قمت بروح لداري وانا بالطريق سمعت الوالده تناديني التفت والا اشوف الثلاجه لونها ابيض
امي تنادي.. مشعل تعال ...وينك ..الثلاجه لونها أبيض...وين رحت؟؟
انا طبعاً من الفشله اسرعت في خطواتي كأني ماسمعت شي وكاتم الضحكه وصلت لداري وتمددت على السرير من التعب ...بعد وقت قصير جداً دخلت الوالده علي وانا غطيت راسي بضحك بس ماسك نفسي عن الفشله
قالت لي روح جيب اغراض من الجمعيه ....انشاءالله
الحمدالله ماجابت طاري السالفه ...لكن انا مصر على ان لون الثلاجه أخضر
posted by mishal @ ٨/١١/٢٠٠٦ ٠١:١٠:٠٠ م
10 comments
10 Comments:
ترى شي زين انك حاليا اعترفت انها ابيض مو اخضر :p
مرات تصيب الانسان حالات يصر يصر على رايه .. وما يروح يتأكد بنفسه او حتى يعطي الثاني مجال يشرح.. وهذا شي مو زين .. اتمنى ما تكون منهم ..
انا مرات اصصر على رايي وتصير فيني مثل ما صارت فيك بس انا ابطها ضحك اشكره ..
cuteya
ههههههههه
احسن مافيها انا تطوّف والله لو احد غيرها جان مسك بطنه وقعد يضحك
مو تدرين الشماته كثرانيين هالايام
:>
Alather
انا اختلطت معاي الامور كان عندنا ثلاجه قبل 10 سنوات لونها اخضر وديناها لبيتنا اللي في السعوديه
وكنت واثق من ان لونها اخضر وكنت اتكلم وانا متنرفز ومالي خلق للمناقشه
بالاخير اطلع غلطان
مو اول مره اطيح بهالمواقف لكن هالموقف كان غير
هههههههههههههههههههه
الله يهديك خلصت الالوان ما اخترت الاخضر الله يعين امك عليك
تحياتي
وسن
اعرف هالشعور عدددددل
لان يصير معاي وايد
واظل مصره على كلمتي ومتأكده
بس بعدين انصدم ان انا غلط
بس المشكلة اني مااقول انا غلط لا اغير بصيغة الكلام بس المهم ما اقول انا غلطانه ..
عاد هذا الطبع عندنا وراثه بالعايله :>
BaNgBaNg2
اكثر شي محرج في هالموضوع هو اللون الاخضر
مع ان مطبخنا كله ابيض بأبيض
من الثلاجات والمكيرويف .......الخ
كلها لونها أبيض
:)
NESCAFE
ايه شنسوي على الاقل نرقّع الموقف ولو انه مايترقع
:)
loooool
والله يايه بحش بنسكافيه .. مشكلتها اتعايينا
ومشكلتي اني اصدق .. بس عقب اذا تعايينا انا معاها مااصدقها الا لما تثبت لي هالشي :)))
وبعدين يمكن كانت خضرا وصارت بيضه :p
راح لونها
ReLaaaX
هههههه
لا زين رفيجتج اعترفت
=====
ههههههه
ايه صح
حتى انا قلت جذي والا اللون الاخضر ما جا من فراغ
:p
Wooooow .. NicE PhotO .. :)
إرسال تعليق
<< Home